海馬床褥x《閨蜜睡房》44.1集

將於4月假紅館舉行個唱的黎瑞恩(小恩子),為東網巨星最新一集「海馬牌床褥特約」《閨蜜睡房》擔任嘉賓,與主持俞詠文(Angela)分享個唱的準備進度。

早前透過社交平台先後四次直播獻唱,小恩子笑說: 「我冇理到其他人㗎,當自己練歌囉!」她又稱不擔心因網上獻Sing而減低個唱入座率:「因為就咁睇Live冇靚衫睇,演唱會見到我真人,又會有嘉賓,同埋Live唱嗰啲歌,我喺演唱會係唔會唱。」提到正在澳洲讀書的女兒,小恩子表示不會為女兒的感情事擔憂:「佢覺得嗰度啲男仔思想好細個。」問到現時回復單身的小恩子可會想有「第二春」?她直言忙到沒有時間覓新一段姻緣,不過她斬釘截鐵謝絕與外國人談戀愛,原因是另一半必須與她同聲同氣。

向來是「義氣女」的小恩子,不時向朋友伸出援手,她說:「人哋有需要至問你啫!」提到圈中朋友多, 她自認性格比較主動, 為人亦「多事」,她笑說:「多事就多朋友囉!大家都係藝人, 可能係我哋先會明白個圈子裏面啲嘢。」不過,她坦言試過有人有借冇還! 想知道小恩子更多秘密,記得本星期五、六、日收睇《閨蜜睡房》喇!

第44.1集

http://hk.on.cc/hk/bkn/cnt/entertainment/20180222/bkn-20180222000001545-0222_00862_001.html?eventsection=hk_entertainment&eventid=4028828d5b1d2faa015b861944e75afe